dsc01650

Yeahhh!! Akhirnya sampai jua hajat kami ke Temburong kan melawat si Avdul, bf my sister. Hajat kan bejalan awal nda jadi, sal hujan agak lebat awal atu. Nasib-nasib nda jadi sal kami beuri, hehe… tapi ku kuatkan semangat jua, kan menyampaikan hajat kami semua esp my sister, sal she misses avdul terribly hehhe. So anyway, kami memulakan perjalanan ke Temburong around 9am, kami sampai di sana dalam pukul 9.45 pagi sal kami difahamkan perjalanan atu took 45 minutes to reach Bangar jetty. Di sana si Avdul udah ready utk menjadi tour guide kami nda begaji hehe…

Lapas atu kami makan breakfast le (kes lapar) d Rumah Persinggahan Temburong, nama kadainya lupa le, sorang2 pun nda menggambar nama restorannya ah, nyaman n murah le makan di restoran atu, tp servisnya lambat sikit, so kami ambil peluang berposing2 sementara menunggu makanan datang, aku order nasi goreng kampong… fuhhh, sedapp woo!!!

Habis makan, kami sempat lagi begambar tu di luarnya ah. Then first place kami aga is Labu Estate, dlm perjalanan atu, banyak tempat le kami lintasi, antaranya Sekolah Menengah Sultan Hassan, Hospital, Mini Stadium, melintas kg-kgnya le, termasuk le meround rumah si avdul di Selangan, Yang ku notice sana atu ah, jlnnya kecil2 sikit, kereta besar2 hehee… and banyak mini di sana ah, mini mall, mini stadium n bnyk g le, Sempat jua le mengaga ke Dewan Kemasyarakatannya, Taman Ulu Belalong, (di luarnya saja sal tutup, what a bummer!) n banyak g le…

Di sana sampat jua kami lepak sekajap di playground di Kg Rataie ah, apa lagi abis gian sorang2. maybe sal nda puas main lagi damit hehe, begambar ramai n mcm2 lagi ulah kami di sana ah sampai minuman pun tinggal… Oh yeah, tempat yang nda bleh di ‘miss’ kan hehe, Taman Batang Duri, dikira sana le tempat mini zoonya… sunyi jua le, maklum kami saja berlima hehe… tp siuk… yg boringnya bau najis drg atu wah… nda kami tahan… so smelly… pakal ganya kan melawat zoo…

Siuk punya pasal, nda g terasa lapar awal atu, karing leher saja, singgah tah kami d sebuah kadai koperasi di sana ah, banyak jua koperasi di Temburong atu ah, yang ku notice g, jalan di Temburong atu tambus menambus wah, tp lau org nda biasa gerenti sasat, apa g first day hehe.. ada jalannya sempit n nda belampung, bg ijap lau bejalan mlm eh. Apa pun siuk le, tmbh g keta kami naiki ani besar n comfortable.

Around 1 or 2 lalu baru tah kami ingat kan makan, tp yg calinya apa nah, kami makan g di rest house ah, bukan apa, ada buffet murah, 3 rgt je che hehe… tau2 je lauknya bukannya banyak, ada ikan, ayam masak kunyit n sayur je, yg bestnya ada air n oren free hehe…

Pas makan kami plan kan balik around 3 or 4 sal tambang terakhir is around 4.30-5pm. Sempat jua le kami meround g Mini Mall yang terletak banar2 dpn jeti nya ah, yg uniknya kadai di Mini mall ani nda terdapat d mana2 kadai di seluruh dunia ani le, (bagi ku le) seni buatannya i mean the building is like rumah batu yang beratapkan minangkabau. Maksud ku, lau org baru datang ke sana esp pelancong luar negeri, gerenti dorg pikir rumah tumpangan or hotel tu. Tau2 kadai… hehe… Oh yeah satu g ku notice sal Temburong ani, lau ku peratikan banyak mini tong sampah di sana sini, well done!!! Keep it up! That’s the way shud be kan. Steady Temburong… atas jasa Jastre plang tu.

Apa lagi ah…. hmmm sebelum balik, kami dikejutkan dengan bunyi yang sungguh annoying… fikirkan bunyi apa, rupanya bunyi siren di tempat org menjual tiket ah.. ceh… memecah kesunyian banar… nda jua lama le kami nunggu boat kami ah… tp berbeza sikit, pagi kami dpt naik boat yang besar sikit n comfortable, dlmnya macam duduk dlm bas hehe… ptg pula kami dpt boat yang sedang besar le yang memuatkan 13-15 orang x. Apa pun ok as long as selamat n aman hehe…

Dalam perjalanan balik atu ada perkara suspen berlaku… mana nda, di tngh laut ah, ada kah driver atu beranti, tarus g kuar tu eh, mcm2 jua dlm fikiran kami tu… mana tau ia ada subahat dgn lanun ke… ia teliat buaya ke, apa ke hehe… tau2 kan mengusai or memasukkan minyak dlm enjin boat ah.. fuhhh legaaa!!! Driver atu pun satu, sudah tah gebu, pendiam g tu hehe… sunyi wah kami dlm perahu ah. yg kedangaran bunyi enjin n ombak je… tp syukur le, kami smpi ke bandar around 4 lalu.. dengan selamat, cheh aku lupa kan bawa payung ku naik, nasib le my cuz ada membawakan…

Satu g masalah kecil, since kami park dpn jetty di bndr atu, must cost me at around 10 dollars jua tu, drpd ku byr parking baik tah ku beli minyak kan, kan… meaning kami ada masa dua jam g sebelum org metro tu balik, around 6… kami apa lagi, meround tah kami g d kawasan bandar atu. Ada expo panya… tp nda jua membali hahhaa… then sal ngalih sikit, aku treat drg minum petang di kedai favourite ku, arah si Idris… pekena roti canai n teh tarik le jawabnya hehe… hujan g turun, agak lebat le jua… lepak le kami dlm setengah jam di kadai makan ah. Udah taduh sikit kami ke Yayasan g, mencukupkan jam le katakan… round2 je kami d kadai ah… ngalih jgn cakap le… tp hati puas hehe… walaupun ada terkilan sikit2… Dalam 6 lalu kami ke kereta le, dan seperti diduga org Metro dah balik, yeyyy dpt parking free ehe… tu tricknya saja tu…

Kami ngntr gmah ke rimba lu, around 7pm le tu, then shahri around 7.30 pm. Atupun si Shahri yng drive sal mataku nda berapa tarang kalau bejalan malam… kami smpi ke Mentiri kira2 pukul 8 le tu… ngalihnya nda tah ada, dtg rumah tarus mandi… sal beujan g kan… langkah kanan, my bro belanja makan g mlm atu, aku menjamah sikit saja sal kekanyangan… nda batah atu… tidur tah ku hehe… abis ceta…

Tu le serba serbi sal explorasi kami ke Temburong, berharap kami akan dpt buat lagi satu hari nanti tp ke destinasi yang lain plg, di Brunei saja le hehe.. Ok guys.. til next exploration… enjoy reading k😉

PS: u guys can check our pix at my photo albums under Explorasi di Temburong