Kuala Belait, Si-Pepeh sorang student kitani yang kana hantar scholarship ke Lim Kok Wing University di Kuala Lumpur mengambil krusus Interior Design. Masa ani masuk 4 tahun udah ia disana, nda ia balik-balik since ia masuk kesana sal malas ia balik nada kan dibuatnya di Brunei, tambah-tambah lagi memnya anak Tan Sri orang disana, iatah bulan lapas ia kana suruh balik ulih babunya sal nini bininya balah babunya damam bagas main hujan.

Masa harinya sampai keBrunei, zoom ia balik kerumah nininya pakai teksi sal ingau ia kan nininya atu, and sudah nya sampai dirumah, bis familynya semua bejalan antah inda tau kemana, and yang tinggal dirumah saja, nininya bini atu tapi nininya tidur dibiliknya. Iatah malas ia membanguni nininya atu, pasal kesian jua ia meliat nininya bepaluh-paluh macam nasi ayam steam thein-thein.

While menunggu nininya atu bangun, ia punduk-punduk saja menjagai disebalah katil, iatah ada kacang dalam mangkuk atu membagi teseliur, and tanpa belengah-lengah, dimakannya satu par satu sampai habis, apanya orang tua-tua? just to kill the time lah katakan..

38 Minit 15 Saat Berlalu

Nininya bangun dari mimpi kelabuan, and ia pun apa lagi, tarus ia bejarah, cium daie, cium pipi. Nininya surprise cucu kesayangannya akhirnya balik jua ke tanah air, tapinya kacang dalam mangkuk atu habis, iatah nininya hairan and betanya..

Nini Bini : Peh, ada ko Nampak apa-apa lam mangkuk ani tadi?

Pepeh : Ouhh sorry ni, habis semua kacang me makan while memerhatikan nini tidur tadi.. jangan marah ni ah!! Nanti me balikan yang baru, Hehe.. sayangggg nini *sambil memaluk nininya*

Nini Bini : Ouhh kau rupanya makan, inda apa lah, aku mana jua makan tu, kacangnya inda jua ku teanggus, aku ngisap coklatnya saja tu, maklumlah inda begigi…

Pepeh : *sweettthh..*😡