Biasa le kalau dah hari ahad ni, mesti tah kan mengaga jemputan org kawin, kan, ngalih jua le, bukan ngalih apa, ngalih nunggu, betebiat sikit keluarga pengantin ani kan bejarah… mana tah jua inda, kami atu luan on time datang, sadangkan jemputannya 11.30, cun2 bah kami smpi sana. Org bejarah kan pukul 1pm, cuba kamu bayangkan… sangal jua punggung batah duduk ah, nada g dangan kan berceta😦 tp nda apa, nasib jua aku ani pandai ‘bawa diri’ sikit hehe… main hp tah jawabnya hehe… lapas balik dari sana tarus g kan ke jemputan org menerima berian… lusir2 rasanya… nini ku g nda mau2 kan meliat pengantin baru ah. Keakhiran tah kami sampai ke sana, udah smpi d sana, kerusi tah nda cukup, ngam2 saja, anak buahku terpaksa bepangku, badannya g berat sikit ehhee,😦 udah tu mcm nda berapa kena layan g tu eh… rasakan balik saja ku td atu, tp mikirkan niniku ikut, terpaksa tah ku menahan rasa jua. Dah atu anak buahku ani merengek kan balik, paksa tah ku pjmkan hp ku utk ia mendgr lagu…. Apa lagi iski tah ia, sambil nyanyi2… tekidum org kiri kanan, mana inda, menyanyi atu udah tah nyaring, tp nda jua lurus sebutannya hehe…. dulur tah saja daripada mengusut… kan…

Bah atu saja lu k…